The One With The Jokes

Kawan ku ani becerita kan, iatah cemani bunyi ceritanya.... bebunyi neee...

Dorang ani kan makan sama sama sekeluarga, temasuk jua nini nini nya.. makan malam pulang tu.. Iatah kan, biasalah kadang kadang orang makan ambuyat ani behidang di lantai, nda di meja.. mun kan behidang dimeja atu biasalah, nda tia terasa aura tradisional nya... hayy aku atu ah... sambil makan makan ambuyat atu, ada jua kucing meliat dorang makan.. teseliur kali jua kucing atu... iatah nda semana mana, tutup tia karan ani... riuh tia dorang nah... nda lama atu dalam seminit dua, buka tia karan balik... sambung tah makan dorang ani... sekali menagur tia si kawan ku ani 'kucing ah, mulut nya beambuyat'...

Nininya : Padantah mulut ku bebulu!!

Ada lagi satu ni ceritanya... haha cali jua..

Dulu kan nda sah kalau nda ke JP setiap minggu, iatah masa ia masih free atu kan baik tah main sepuas hati... amah kawan ku ani kan balik wahh... iatah sebelum ia balik atu, minta bawa ia ke JP kan merasa bemain mainan yang tedapat time atu... sekali masa time main yang macam naik ke atas atu yg gugurnya mengajut kebawah ah.. tau kah nda kamu ani?... iatah time dorang main atu, gugur tia jua selipar amah ani.. haha.. belipat... sudah turun lapas main ah... bejalan tia dorang ani ke game seterusnya.. amah ani ''Buuu... tunggu buu... jantung saya seperti ketinggalan di atas''.. Hahahaha.. Belipat amah atu..

QaLiX :D